Удмурт кылмы сярысь вераськизы, сям-йылолъёсынымы тодматскизы

Балтач ёросысь Асавкаысь модельной библиотекаын «Мусо анай кыл» ужрад ортчиз. Гуртысь библиотекарь Светлана Миндиярова пиналъёсты удмурт калыклэн сям-йылолъёсыныз, праздникъёсыныз тодматӥз. Нылпиос пӧртэм юанъёслы валэктонъёс сётъязы, мадиськонъёсты, лэчыт веранъёсты кылзӥзы, «Мон шаеретӥ мынӥсько», «Шаеретэк» кылбуръёсты адӟытэк веразы, «Атас но Ӟичы» выжыкылэн  тодматскизы.

Ужрадэ книгаосын «Удмурт калык выжыкыл» адӟытон дасямын вал. «Нылпиос калык пӧлын анай кылзылэсь возьдаськыны кулэ ӧвӧл, - вера С. Миндиярова. - Со понна асьмелы, бадӟымъёслы, соослы анай кылмес но калыкмес гажан мылкыд пыӵатыны тыршоно».