Янаулын Гурт хозяйствоын ужасьёслэсь нуналзэс пусйизы

Ужрадын шуныт кылъёс чузъяськизы музъем ужез быръемъёс, пудо утисьёс, нянь будэтӥсьёс понна.

Ужрадэз усьтыса вераськиз Янаул ёрос администрациен кивалтӥсь Салават Гильмиев. Гурт удысын ужасьёслы со ваньзэ умойзэ но выль вормонъёс сӥзиз. Гурт удысын тыршисьёсты ӟечкылазы  Кун-Собранилэн-Курултайлэн комитетэныз кивалтӥсь Ильшат Вазигатов, Россельхозцентрлэн Башкортостанысь филиалэныз кивалтӥсь Айдар Хаматшин, техникаез эскеронъя республикаысь кун комитетэн кивалтӥсьлэн нырысетӥ воштӥсез Ильхам Шакиров но Янаул ёрос администрациен кивалтӥсьлэн гурт хозяйствоя воштӥсез Алмаз Муллаяров.  

Ужрадын удысазы кема аръёс ӵоже тыршисьёс пӧртэм данъетъёслы кузё луизы. Гырон-кизён, ю тысь октон но пудо вордонын ӟеч лыдпусъёс возьматэм хозяйствоосты дипломъёсын пусйизы. Соос пӧлын луиз «Колхоз Восток» СПК. Олег Зайнуллинэн кивалтоно хозяйство ӟеч возиське, арлэн котькуд вакытаз умой лыдпусъёс возьматэ. Татын ужасьёс сюлмысь тыршо, кутскем ужзэс дыраз но пумозяз лэсьто.

Фото: Янаульские зори