+18 °С
Дождь
Гурт удыс
9 Августа , 04:45
Котькуд ужзы борды капчи мылкыдын басьтӥсько
9-тӥ гудырикошконэ Башкортостанын Муш утисьлэн нуналэз пусйиське. Татышлы ёросын 7625 муш семьяос лыдъясько. Кӧня ке пасекаос вань гурт хозяйствоосын, КФХ-осын. Гуртын муш утисьёслэн лыдзы 7160-лы ӵоша. Вязовкаын дас адями та ужен выре. Лариса но Аркадий Давлетхановъёслэн быдэс улонзы мушъёсын герӟаськемын, шуыны луоз.
Котькуд ужзы борды капчи мылкыдын басьтӥсько
. Соосты бускель гуртъёсын но тодо, чечызэс басьтыны лыктӥсьёс трос. Кузёос котькинэ шуныт пумитало, ӟеч мылкыдзы матысьёссылы но, эшъёссылы но, гуртооссылы но, доразы нырысьсэ пырисьёслы но тырме.
Мушъёсын вырон мылкыд Аркадий Ахуновичлы пичиысен пыӵам. «Песятай но, атай но муш утизы, - вера Аркадий Ахунович. – Пичиысен мушъёс пӧлын будӥ бере, аръёс ортчыса, ачим но муш утись луи». Мушкасьлэсь умортоосыз котырын бергамзэ учкыса сылӥсько. Кожалод, со котькуд мушсэ тодма, сямзэ вала: таиз умой ужа, тазэ ворсано луоз, таиз анай муш поттыны дасяське…
- Мушъёс монэ валало, мон но соосты валасько, - серекъяса вера А. Давлетханов. Та ужаз солэн юрттӥсез луэ Лариса кузпалыз. Соос ог-огенызы кенешыса ужало. Муш утьыны кутскыкузы, кузпалъёс «Фанга» колхозын ужало вылэм.
- Укмыстонэтӥ аръёсы улон огыр-бугыр луиз. Гурт хозяйствоын уждун тырон ласянь секыт югдур кылдӥз. Пиослы дышетскыны дыр вуиз, коньдон кулэ бере, мушен выроно кариським, - тодаз вае Аркадий агай. – Соку 70 йырлэсь трос муш утим. Чечыез Тюмене нуллыса вузаськом вал.
(Быдэсак лыдӟе газетысь).
