Котькуд ужлэн ас вакытэз

Хозяйствоос удалтэм ю бусыосазы шумпотыса потӥзы. Зэм, та дыре соослэсь ужзэс зор дугдытӥз. Нянь будэтӥсьёс куазьлэсь кыӵе луонозэ интернетысь эскерыса-чакласа уло. Шунды потӥз ке, соку ик бусыосы дыртоно.

Башкортостанын 45 ёросын ю тысь октон ужъёс мыно. 30-тӥ пӧсьтолэзьлэн лыдпусъёсызъя, кызьы ивортэ регионысь Гурт хозяйствоя министерство, республикаын ӝыны миллион тонналэсь трос ю тысь кутсамын. Кылем арысь та нуналэн ӵошатоно ке, со кык поллы тросгес. Нянь будэтӥсьёс толйись культураосты октон бордын тыршо.

Татышлы ёросысь гурт хозяйствоослэн бусыосазы но комбайнъёс ужало.

Туспуктэм вылын: «Агро-Танып» СПК-ын ужасьёс.