Бусыосын комбайнъёс гурето

Янаул ёросын та уж борды нырысетӥен басьтӥськизы «Победа» ООО-лэн Шудекысь подразделенияз ужасьёс – толйись рапс кутсало. Победаос та культураез нырысьсэ кизиллям, со 694 гектар бусыын будэм.

Ми вуылон нуналэ бусыын куинь «Акрос» комбайн, кык КамАЗ ужало вал. Механизатор Игорь Валиев, водительёс Ильдар Чалгубаев, Эдуард Камаев - та ужын выль адямиос ӧвӧл, соос кемалась гурт удсын тыршо. Ужзы пӧртэм данъетъёсын пусъемын ни. «Куазен гинэ мед удалтоз. нуналъёс шундыё луизы ке, техника ӧз тӥяськы ке, ужмес дыраз йылпумъялом», - шуэ БР-ысь гурт удысысь сӥё-дано ужась, водитель Ильдар Чалгубаев.  

Фото: Управление сельского хозяйства Янаул