+13 °С
Облачно
Гурт удыс
19 Мая , 07:20
Башкириын кизён ужъёс «экваторез» ортчизы
Башкортостанын валэс ю 1,306 млн гектаре киземын (лыдпус 18-тӥ куартолэзе басьтэмын):со быдэстоно ужлэн 65 процентэз.
Башкириын кизён ужъёс «экваторез» ортчизы
Башкортостанысь правительстволэн вице-премьерезлэн – гурт хозяйствоя министрлэн Ильшат Фазрахмановлэн кылъёсызъя, кылем арняын аграриос ӝог ужазы, суткаяз 80 сюрс гектаре ю тысь кидыс пыртӥзы.
- Валэс ю кизён ужъёс кематэк йылпумъяськозы Стерлитамак ёросын, - вера И. Фазрахманов. – Ужлэн 80 процентлэсь тросэз йылпумъямын Аургазы, Бурзян, Кармаскалы, Альшей, Буздяк, Илиш, Гафури но Чишмы ёросъёсын. 33 ёросъёсын кизён ужлэн 50 процентэз быдэстэмын. 73 сюрс гектар музъемын химпрополка ортчытэмын.
Туспуктэм вылын: Татышлы ёрос администрациен кивалтӥсь Денис Султанов «Дэмен» хозяйстволэн бусыосаз вуылӥз.
Фото: соцсети Денис Султанов
