Татышлы ёросын гурт удысын ужасьёсты данъязы

Ужрадэ Гостехнадзорлэн Башкортостан Республикая кивалтӥсезлэн воштӥсез Ильхам Шакиров, Россельхозцентрлэн Башкортостанысь филиалэныз кивалтӥсь Айдар Хаматшин, Татышлы ёрос администрациен кивалтӥсь Фанур Шайхисламов пыриськизы. Соос шаермес сюдӥсьёслы тау кылъёссэс веразы.
Та нуналэ 11 адями ведомственной данъетлы кузё луиз. Соос пӧлын - "Агро-Танып" СПК-ысь кунян утись Алина Гийбатова но скал кыскись Маруся Рафикова. Соослы БР-ысь Гурт хозяйствоя министерстволэн Данъян грамотаез сётэмын.