Пудо эмъян - со быдэс улонлы

«Огъя ужам стаже 43 ар луиз», - вера В. Ахметханов. Пенсие потӥз ке но, солэн пудо эмъян ужез бордаз ик кылемын. Ветеринарлы нуналлы быдэ сямен вазиськисьёс луо.

- Пудоен олокыӵе югдуръёс но луо. Ӧнерчитэк кызьы валалод, мар карыны, кыӵе юрттэт возьматыны. Уйин жингыртӥсьёс но луо, куке скалзы кунян вайыны уг быгаты, - вера пудо эмъясь. – Гуртамы мынам пырамтэ корка ик ӧвӧл. Пудо утись фермеръёс доры ӵем ветлӥсько. Ветеринарлэн ужез – со улытозьлы.

Та ӧнерлы В. Ахметханов Уфаысь сельхозинститутын дышетскем. Уж сюрессэ вордскем Шудек гуртаз «Победа» колхозысен кутскем. «Дышетсыку милемыз распределениен пӧртэм интыосы практикае ысто вал. Монэ куать толэзьлы Татышлы ёросысь «Октябрь» колхозэ лэзизы. Юда гуртысь фермаын ужай. Соин Зоя Зарипова кивалтэ вал. Со вакытъёс ик трос опыт сётӥзы, шуыны луоз», - вера Вячеслав Бадрисламович. Нош вылӥ тодон-валанэн ӧнерчиез юн кыдатӥллям «Победаын» ужам аръёсыз.

(Быдэсак лыдӟе газетлэн 34-тӥ номерысьтыз).