Башкириын ю-нянь октыны кутскизы

Ю-нянь дасян кампаниез «День поля-2025» республика форум улсын 25-тӥ пӧсьтолэзе усьтӥзы. Та дыре 52 сюрс гектарысь 200 сюрс тонна ю тысь кутсамын. Со пӧлысь тросэз – толйись чабей. Кылем аръёсын ӵошатыса, туэ со трослы вазьгес вуиз.

Ю тысьлэн удалтонлыкез гектарысьтыз шорлыдын 40 центнер усе. Стерлитамак, Чекмагуш, Кармаскалы ёросъёсын та лыдпус гектарысьтыз 50 центнерозь вуэ, Буздяк ёросын – гектарысьтыз 56 центнерозь. Со сярысь телеграм-каналаз ивортэ республикаысь правительстволэн премьер-министрез Андрей Назаров.

Туспуктэм вылын: Янаул ёросысь «Победа» ООО-ысь нянь будэтӥсьёс но ю тысь октыны потӥзы.  

Фото: Управление сельского хозяйства Янаул