Башкортостанын «День поля-2025» республика семинар ортчиз

Со Уфа ёросысь Ягодная Поляна гуртын радъяськиз. Бадӟым форуме республикалэн тӧроез Радий Хабиров, ёрос администрациосын, гурт хозяйствоосын кивалтӥсьёс, фермеръёс, гурт удысысь ӧнерчиос пыриськизы. Ужрадын ю тысь октон кампаниез но усьтӥзы. «Берлось куать ар ӵоже семинар зональной амалъя радъяськиз: Предуральеын, Зауральеын луиз, - вераз вице-премьер – регионысь гурт хозяйствоя министр Ильшат Фазрахманов. – Туэ выль этап кутске. Та ужрад одӥг-кык нуналлы гинэ чакламын ӧвӧл. Мылкыд карисьёс, ӧнерчиос татчы вуыса, ужан амалъёсын, техникаен, кизёно культураосын тодматскыны быгатозы. Та дыре татын кизем 300-лэсь трос опытной участокъёс вань. Матысь аръёсы соослэн лыдзы йылоз, сюрсозь но вуттомы. «День поля» ужрад – со вылезлы дышетскон, ужан амалъёсын вошъяськон инты».

Семинарын котырес ӝӧкъёс радъяськизы. Соос гурт удысын пумиськись ужпумъёсты эскеронлы, уж дурын сӧсырмонлэсь, кышкыт учыръёслэсь утиськонлы сӥземын луизы.

Туспуктэм вылын: Янаул ёросысь делегация форуме пыриськиз. 

Фото: соцсети Салават Гильмиев