Ас удысазы устоос

Татышлы ёросын ортчем «Сабантуй» праздникын но нянь будэтӥсьёс, пудо утисьёс, гырисьёс, кизисьёс сярысь трос шуныт кылъёс чузъяськизы. Троссэ данъетъёсын но пусйизы.

«Дэмен» ООО-ысь трактористлы Яков Рияновлы Россия Федерациысь Гурт хозяйствоя министерстволэсь таукаронзэ сётӥзы. Та хозяйствоысь ик фермаен кивалтӥсьлэсь Жанна Зариповалэсь ужзэ Башкортостанысь Гурт хозяйствоя министерстволэн Данъян грамотаеныз пусйизы. Сыӵе ик данъетлы кузё луизы «Колос» ООО-ысь тракторист Алексей Гарифьянов, «Рассвет» СПК-ысь валтӥсь инженер Олег Зарипов, фермаен кивалтӥсь Василий Садриев, «Агро-Танып» СПК-ысь механизатор Дмитрий Семёнов но техник-осеменатор Ольга Муратшина.