Гурт хозяйствоос пудо сиён дасяло

Башкортостанын пудо сиён дасян ужъёс азинско.

Та дыре хозяйствоос силос тырон бордын ужало. Республикаысь Гурт хозяйствоя министерстволэн пресс-службаез ивортэмъя, регионын 64 сюрс тонналэсь трос силос дасямын (быдэстоно ужлэн 6 процентэз). Татын висъясько Татышлы ёросысь хозяйствоос  - 31,4 сюрс тонна силос понэмын.

Со сяна, республикаын сенаж поно. Та ужлэн 97 процентэз быдэстэмын: ваньзэ 1 млн 85 сюрс тонна сенаж дасямын.

Хозяйствоослы турын октыны туэ зоро нуналъёс люкетӥзы. Республикаын огъя 408 сюрс тонна турын дасямын – планлэн 58 процентэз.