Пудо утён ӧрез быръемъёс ӵошатскизы

Ужрадэ ёрос администрациен кивалтӥсь Фанур Шайхисламов, Башкортостанысь Кун Собранилэн-Курултайлэн депутатэз, санаторий «Танып» ООО-лэн директорез Кашшаф Ямалетдинов пыриськизы. Кашшаф Сайфитович егит дыръяз скал кыскисьын ужамзэ тодаз ваиз, мастер-класс но возьматӥз.

Конкурсэ пыриськисьёс кык этапъёсты – теоретической но практической - пыр потоно луизы. Уженызы герӟаськем юанъёсын тест ужамзы бере, скал кыскисьёс скал кыскон аппаратэз сэрттонын но люканын устолыкенызы, ӝог луэменызы паймытӥзы. Кожалод, та ужез соос кынем синмын быдэстыны быгатозы. Собере соосты скал кыскон уж витиз. Вуттэм йӧлзылэсь чылкытлыксэ но эскеризы. Судьяос со понна нимысьтыз баллъёс ватсазы.  

Конкурсэ вуэмъёс понна та нунал праздник выллем луиз. Уго котыре шулдыр крезьгур, кырӟанъёс вӧлмизы, шудонъёс радъяськизы. Ужрадын Улысь Балтачысь культура юртысь, Вылысь Татышлыысь автоклубысь ӧнерчиос ужазы. Ужрадэ лыктэмъёсты рассветъёс ческыт ӝукен куноязы. Сое тыл вылын пӧзьтӥзы вӧсьёсты радъясьёс Г. Гарифанов, Д. Бадретдинов. Ф. Гильмаутдинов.