Гурт хозяйствоос пудо сиён дасяло

Башкортостанысь Гурт хозяйствоя министерстволэн пресс-службаезлэн 8-тӥ пӧсьтолэзе сётэм лыдпусъёсызъя, республикаын 440 сюрс тонна сенаж дасямын. Со быдэстоно ужлэн 40 процентэзлы ӵоша. Аургазы, Ермекей, Давлекан ёросъёсын та ужъя планзы тырмытэмын ни.

Со сяна, регионын турын дасяло:огъя 106 сюрс тонна дасямын. Татын висъясько Бурай, Шаран, Абзелил ёросъёсысь хозяйствоос. Янаул ёросысь «Колхоз Восток» СПК-ын ужасьёс но тырмыт пудо сиён дасян сярысь сюлмаськыса ужало. Ёросысь гурт хозяйствоя управлениын ивортэмзыя, гурт удысэз быръемъёс нуналлэсь котькуд минутсэ пайдаен ортчыто.

Туспуктэм вылын: «Колхоз Восток» СПК-ен кивалтӥсь Олег Зайнуллин (паллянысез) водительёсын Равис Минигалиевен но Леонид Ахметдиновен.

Фото: Управление сельского хозяйства Янаул