Дыраз кизёд – узыр ю тысь басьтод

Башкортостанысь вице-премьер – регионысь гурт хозяйствоя министр Ильшат Фазрахманов оштолэзьлэн берпуметӥ нуналаз, кизён ужъёсын тодматскон вылысь. Дюртюли, Чекмагуш ёросъёсысь куд-ог хозяйствоослэн бусыосазы вуылӥз.

Та дыре Башкириысь 52 ёросъёсын кизён ужъёс мыно.Огъя 250 сюрс гектаре ю тысь пыртэмын (12%). Кизёнын висъяське Илиш ёрос, 2-тӥ интыын – Аургазы но Стерлитамак ёросъёс, 3-тӥ интыын – Чишмы но Дюртюли ёросъёс.

Янаул ёрос администрациен кивалтӥсь Салават Гильмиев но бусы ужъёсын тодматскиз. Со Ралиф Шайдуллинэн кивалтоно «Дружба» хозяйстволэн бусыосаз но вуылӥз. «Ёросын бусы ужъёс мыно, - гожтэ вк вотэс бамаз С. Гильмиев. – «Дружба» СПК-ын тыршисьёс огкылысь, ужзэс дыраз йылумъян сярысь сюлмаськыса ужало. Мон вуылон дыръя соос кык кизён агрегатэн викаен чабей сурвса кизё вал. Нош мукет бусыын сезьы кизё».

Фото: