Гурт удысын котькуд ӧр ог-огеныз герӟаськемын

Татышлы ёросын гурт удысын тыршисьёсты данъян ужрадын «Лучший по профессии» номинациысь дипломлы кузё луизы «Рассветысь» валтӥсь пудо эмъясь Фаниль Фахтенюров но «Агро-Таныпысь» техник-осеменатор Ольга Муратшина. 

Таӵе ик дипломъёсын пусйизы скал кыскисьёсты Венера Байдуллинаез («Дэмен» ООО), Елена Хабибуллинаез («Рассвет» СПК), Анюта Самигуловаез («Агро-Танып» СПК), Гульфия Канафинаез (Л. Биктимировалэн КФХ-ез), кунян, ветыл, сюро пудо утисьёсты Валентина Семёноваез («Дэмен» ООО), Туктафия Валинуроваез («Агро-Танып» СПК), Раиль Фархитовез («Рассвет» СПК), Руслан Нуртдиновез («Дэмен» ООО) но Дмитрий Семёновез («Агро-Танып» СПК).