«Данъяськыса учкисько хозяйствоысьтыды ужасьёс шоры»

Шумпотымон, та нуналэ трос пол удмурт хозяйствоосын ужасьёс сцена вылэ потазы. Тужгес висъяськизы «Агро-Танып»  СПК-ын ужасьёс. Хозяйство 2022-тӥ арын быдэстэм ужъёсызъя нырысетӥ степенё дипломен пусъемын. Со вормисьёс пӧлын луиз ю-нянь будэтон ласянь но, пудо вордонын но. Со сяна, хозяйствоысь тросэз ужасьёс ас удысазы устоос пӧлы пыризы. «Хозяйство куке но туж секыт югдуре усемын вал, - вераз 2000-2008-тӥ аръёсы Татышлы ёрос администрациен кивалтӥсь Ф. Т. Гайнаншин. – Сергей Тимерьянович Ханов быгатӥз хозяйствоез ӝутыны. Туннэ данъяськыса учкисько хозяйствоысьтыды ужасьёс шоры».