Республикалэн Тӧроез Радий Хабиров гурт удысын ужасьёслы тау кылъёссэ вераз, азьпалан туэлэсь но ӟечгес ужаса, выль вормонъёс басьтыны сӥзиз.
Башкортостанысь вице-премьерлэн-гурт хозяйствоя министрлэн Ильшат Фазрахмановлэн кылъёсызъя, туэ ю тысьлэн удалтонлыкез гектарысьтыз шорлыдын 29,5 центнер усем. «Туэ басьтэм лыдпус – со берлось ньыль ар ӵоже тыршыса ужамлэн емышез. Трос саклык висъяськиз аграриосы выль техника, ӟеч кидыс, удобрение басьтонлы. Республикаысь вить ёросъёсын 200 сюрс тонналэсь ятыр ю тысь октэмын, 17 ёросъёсын – 100 сюрс тонналэсь трос, - вераз И. Фазрахманов. - Инкуазен но туэ удалтӥз. Ю-нянь октӥсьёс кутскем ужзэс могӟетъёстэк йылпумъязы».