Ужъёс йылпумъяськемын ӧвӧл на. «Ю тысьлэн удалтонлыкез гектарысьтыз шор лыдын 29 центнер усе. Куазен но туэ удалтӥз. Куазь зорысал ке, ужъёс секытэнгес радъяськысалзы», - вераз Башкортостан Республикалэн Тӧроез Радий Хабиров. Премьер-министрлэн Андрей Назаровлэн кылъёсызъя, туэ тямыс толэзь куспын 7,3 миллиард манет тыр 2050 техника басьтэмын. «Та ласянь ӟеч кусыпъёс тупатэмын «Росагролизинг» компаниен. Ар кутсконысен соос пыр республикае 305 техника вуэмын. Гурт удысэз азинтыны кунмы но бадӟым юрттэт возьматэ», - пусйиз Андрей Назаров.
Туспуктэм вылын: Янаул ёросысь "Колхоз Восток" СПК-ысь ю-нянь будэтӥсьёс Н. Насибуллин но В. Заиров хозяйствоенызы кивалтӥсен О. Зайнуллинэн ӵош.