Тулыс нунал быдэс арез сюдэ

Республикаысь гурт хозяйствоя министрлэн нырысетӥ воштӥсезлэн Рамил Нуриахметовлэн кылъёсызъя, мускыт пытсан ужъёс 285 сюрс гектарын (25%) йылпумъямын. «Хозяйствоос бусы ужъёссэс толйись культураосын, трос аръем турынэн бусыосы удобрение поттон бордысен азинтӥзы. 15 ёросъёсын вазь вуись тысё культураосты кизьыны потӥзы ни, - вера Р. Нуриахметов. – Туэ тысё культураосты огъя 1 млн 720 сюрс гектаре кизьыны чакламын. Нош кумбагышез но сакыр кушманэз туэ тросгес кизёзы».

Гурт хозяйствоя министрлэн воштӥсезлэн верамезъя, республикаын кизён кампанилы кидыс тырмыт дасямын. «Тулыс бусы ужъёслы туэ огъя 95 сюрс тонналы матэ удобрение кулэ луоз. Та дыре хозяйствоосы 82,2 сюрс тонна бертэмын, - вера Р. Нуриахметов. – Хозяйствоос выль техника басьтон сярысь но сюлмасько. Туэ куинь толэзь куспын аграриосы 1,9 млрд манет тыр 585 выль сельскохозяйственной техника басьтэмын. Кылем арысь та дырен ӵошатоно ке, 150 млн манетлы тросгес».

Янаул ёросын нырысетӥен бусы ужъёс борды басьтӥськизы «Агро М», «Колхоз Восток» но «Победа» хозяйствоос.

Туспуктэм вылын: «Колхоз Восток» СПК-ысь одӥгаз бусыын.

Фото: https://vk.com/id196214684?z=photo196214684_457240175%2Fwall196214684_1133