Башкортостанын 287 сюрс йыр мушъёс лыдъясько. Со сярысь иворто республикаысь Гурт хозяйствоя министерствоын.
- Республикаын тужгес чечыё инты - со Иглино ёрос. Отын 18 сюрслэсь трос муш семьяос лыдъясько. Со сяна, топ-3 рейтинге пыремын Гафури но Кугарчин ёросъёс, - верало ведомстволэн пресс-службаяз.
Башкортостанын муш утё нимысьтыз хозяйствоосын (90%), фермер хозяйствоосын (8%), гурт предприятиосын (1%). Кылем арын республикаын огъя 11сюрс тонналэсь трос чечы басьтэмын. Со пӧлысь куать сюрс тоннаез – вуз карыны поттон чечы. Та лыдпусъя регионмы Россиын нырысет интыын луэ.
Тодады вайытӥськом, туэ куарусён толэзе Уфае мушкасьёс люкаськозы. Соку шоркарамы Муш утисьёслэн «Апимондия» ассоциацизылэн калыккуспо конгрессы ортчоз. Соку ик «АпиЭкспо» адӟытон но радъяськоз.