Мамадыын герефордъёсты будэто

Лариса но Элик Зиятовъёслэн фермер хозяйствоен герӟаськем ужзы 2005-тӥ арысен азинске. Соку кузпалъёс 50 гектар музъем басьтыса, асьсэ понна ужаны кутскиллям. Собере ини пудо утён сярысь малпанзы кылдэм.

2019-тӥ арын Зиятовъёс, «Агростартап» программае пыриськыса, грант утӥллям. Коньдонзылы луэм куинь МТЗ тракторзы вӧзы нош одӥг МТЗ трактор но 26 йыр ӟеч выжыысь кунян (герефорд) басьтӥллям. Фермер нырысь сюлмаськем, мукет климатлы дышем пудоосты асьме палан утьыны быгатозы-а шуыса.

«Зиятов» КФХ-ын ӟеч выжыысь пудоосты будэтон умой азинске. Та дыре хозяйствоын 58 герефорд лыдъяське. Соосты  утялтонлы бадӟым саклык висъяське. Кунянъёсты вань куронъёсты лыдэ басьтыса будэто. Куайытоно пудоос араз 500 килограммлы матэ привес сёто.

Элик Фёдорович (туспуктэм вылын) пичи дырысеныз ужлы дышыса, гурт удысэз валаса будэмын. Самара улосвылын служба аръёссэ ортчыса, со вордскем палъёсаз берытскем. Э. Зиятов дышетӥсьлы тодон-валан басьтэм ке но, солы гурт удыс матынгес луэм. Уж сюрессэ асьсэ колхозазы механизаторысен кутскем. Туннэ но со гурт удысын тырше.

Дасямын «Алга» Бурай ёрос газетысь Гульназ Хузиналэн материалэзъя.  

Фото: "Алга" газетлэн вконтакте вотэс бамысьтыз басьтэмын (https://algaburaevo.ru/news/selskoe-khozyaystvo/2021-12-01/gerefordlar-mamadyny-z-itte-2602051?utm_source=vk&utm_medium=social&utm_campaign=106614954)