+1 °С
Лымы
Антитеррор
Вань иворъёс
Гурт удыс
1 декабрь 2021, 21:30

Гуртын уло, гурт удысын тыршо

Байшады – Бурай ёросысь удмурт гурт. Татын клуб, ФАП ужало. Байшадыос гуртысьтызы ужбергатӥсьлэн Геннадий Гильмаутдиновлэн КФХ-яз тыршо.

Гуртын уло, гурт удысын тыршо
Гуртын уло, гурт удысын тыршо

Геннадий Аскаровичлэн уж сюресэз 1981-тӥ арын Мичурин нимо колхозын комбайнёрлэн юрттӥсеныз азинскем. 2001-тӥ арын со фермер хозяйство кылдытэм. Аръёс ӵоже Г. Гильмаутдинов гурт удысын тырше. Вордскем гуртэз, ёросэз понна пайдаё ужъёс быдэсъя. Туэ Бурайын ортчем гурт удысын тыршисьёслы сӥзем ужрадын Г. Гильмаутдиновлэн КФХ-яз ужасьёс сярысь трос шуныт кылъёс веразы, ужасьёслэсь тыршыса ужамзэс наградаосын пусйизы. Азьвылгес гожъямы ни, Геннадий Аскарович «За трудовую доблесть» медальлы кузё луиз. Алексей Шагиевез ужаз ӟеч лыдпусъёс возьматэмез понна Бурай ёрос администрацилэн Тау карон гожтэтэныз пусйизы. Андрей Багаутдинов ёрос ужрадысь «Лучший машинист зерноуборочных комбайнов» номинацин вормонэн бертӥз.

Кылем арняын Байшадыын гурт удысын тыршисьёслы сӥзем ужрад ортчиз. Со сярысь сюлмаськиз Геннадий Аскарович. Гуртысь «Туганэ» фольклор ансамбле ветлӥсьёс, самодеятельной артистъёс соослы крезьгуро кузьымъёссэс кузьмазы.

 

Автор:Миляуша Булатова
Читайте нас: