Ужез вылӥ дунъямын

Отын ужзэс тыршыса быдэсъясьёсты вылӥ наградаосын пусйизы. Байшады гуртысь ужбергатӥсь, КФХ-ен кивалтӥсь Геннадий Гильмаутдинов но соос пӧлын луиз. Геннадий Аскаровичлы «За трудовую доблесть» медаль сётӥзы. Ӟечкыласьком!

Геннадий Аскаровичлэн уж сюресэз 1981-тӥ арын Мичурин нимо колхозын комбайнёрлэн юрттӥсеныз азинскем. 2001-тӥ арын со фермер хозяйство кылдытэм. Аръёс ӵоже Г. Гильмаутдинов гурт удысын тырше. Гурт калык понна уж интыос кылдытӥз.