Татышлы ёросын гурт удысын но перерабатывающей промышленностьын ужасьёсты данъязы

Туннэ, 12-тӥ ноябре, Татышлы ёросысь Вылысь Татышлыысь культурая дворецын гурт удысын но перерабатывающей промышленностьын ужасьёсты данъян ужрад ортчиз. Ужрадэ ёрос администрациен кивалтӥсь Фанур Шайхисламов но Уфаысь лыктэм куноос пыриськизы.

Соос гурт удысын но перерабатывающей промышленностьын ужасьёслы ӟечкылан кылъёссэс веразы, вормонъёс сӥзизы, Данъян грамотаосын но Тау карон гожтэтъёсын пусйизы.

Россия Федерациысь Гурт хозяйствоя министерволэсь Данъян грамотазэ сётӥзы Татышлы ёрос ветстанцилэн Калмиярысь ветучастокеныз кивалтӥсьлы Ралия Бадретдиновалы. Башкортостан Республикалэн Данъян грамотаезлы кузё луиз «Агро-Танып» СПК-ысь инженер-механик Фёдор Шайхетдинов. Республикаысь Гурт хозяйствоя министерстволэн Данъян грамотаеныз данъязы «Дэмен» СПК-ысь бухгалтерез Линария Милиятоваез, «Рассвет» СПК-ысь трактористэз Владислав Рахимовез, «Агро-Танып» СПК-ысь механизаторез Рудик Рафиковез, Татышлы ёрос ветстанцилэн Калмияр ветучастокысьтыз ветфельдшерез Радик Бадретдиновез.

Туспуктэм вылын: Ралия Бадретдинова.