Гуртъёсын микроперепись ортче

1-тӥ гудырыкошконысен Россилэн вань регионъёсаз гурт удысъя микроперепись кутскиз. Йылпумъяськоз со 30-тӥ гудырикошконэ. Ма герӟаськемын гурт удысэн, со сярысь ваньзэ асьсэлэн планшетазы пыртозы нимысьтыз та ужрадэз ортчытыны дышетэм переписчикъёс. Выль Татышлы гурт поселениын та ужез Елена Нуриахметова быдэсъя. Пумиським соин Уразгильды гуртын.

Елена Нуриахметова: "Перепись умой ортче. Али кыкетӥ гуртэ вуи. Номыр секытэз ӧвӧл кадь. Доразы луымтэос вань, отчы кыкетӥ, оло куинетӥ ползэ но мыноно луоз шуыса гинэ шугъяськисько. Юанъёс сётъяло, мон соослы валэктон сётыны быгатыны кулэ. Кин доры огнам пырыны кышкасько, вӧзысьтызы бускельёсссэс чортӥсько, пумит луэмзы ӧвӧл нокинлэн но, юрттӥсько".

Венера Ярмиева, Уразгильды гуртын улӥсь: "Азьло дырысен ортче ни та перепись. Тодам на Шайбак Гафиуллинлэн бадӟым портфелен гурт кузя тазьы лыдъян-чотан ортчытыса ветлэмез. Кулэ бере, юрттоно, ваньзэ шонер верано".

Микропереписьлэсь нырысетӥ лыдпусъёссэ декабрь толэзьын вералозы, ваньмыз тодмо луоз 2022-тӥ арлэн пумаз.