Люкаськем калык азьын «Друзья» но «Подружки» командаос пӧртэм конкурсъёсын кужымзэс мерттазы. Мар гинэ кароно ӧз луы соослы, нырысетӥ интыез басьтон понна. Ужрадэ пыриськисьёс кырӟазы но, эктӥзы но, ки улэ ма шедемлэсь аспӧртэм памятник но тупатӥзы, йыртӥянъёсты но сэрттӥзы-пертчизы. Соослэн шудэмзылы залысь калык сюлмысь кизэ чабиз, интыяз гор-гор серекъяз, угось куддыр тужгес но тунсыко выризы.
Конкурсъёс вискын Бадӟым Качак школаын дышетскисьёс эктон возьматӥзы, «Зангари» калык ансамбль, Александр но Тимур Ильбаевъёс шулдыр кырӟанъёс кузьмазы.
Шулдыр но капчи мылкыдъем пӧрмиз Бадӟым Качак гуртысь культура юртын но модельной библиотекаын ужасьёсын радъям ужрад.