Ужрадэ трос калык люкаськиз. Шудек гурт поселенилэн администрациеныз кивалтӥсь С.Н. Байдуллин лыктэм калыкез праздникъёсын ӟечкылаз.
Озьы ик та нуналэ 50 ар ӵошен улэм кузпалъёсты Башкортостан Республикалэн Тӧроезлэн кузьыменыз пусйизы. Соос пӧлын луизы Иван Гришинович но Нина Байтимировна Садиевъёс, Николай Байтимирович ноЛидия Галимовна Байдуллинъёс, Александр Григорьевич но Гылькайза Нуртдиновна Файзуллинъёс, Леонид Менсадиевич и Римма Максимовна Асхатовъёс.
Нош Шудек гурт поселениысь арлыдоослэн огазеяськонэнызы кивалтӥсь Н.В. Гайнанова бадӟым аресъем гуртоосты гурт поселенилэн администрациеныз кивалтӥсьлэн кузьымъёсыныз пусйиз. Озьыен, 85 аресъем Зайнагатдинова Мария Дмитриевна но Шамшитдинова Лиза Забияновна, 90 аресъем Чалгубаева Насима Исаметовна нимысьтыз юбилей кузьым басьтӥзы.
Озьы ик ужрадын дышетон удысысь ветеранъёсты но дышетӥсьёслэсь династизэс азинтӥсьёсты данъязы. Соос пӧлын вал В.Ф. Мухаметшин, Е.А. Минликаева- Нияматова но А.Г. Файзуллин.
Фото: Шудекский СДК