Бадӟым Качакысь пичильтокъёс выльдэм стеллаен тодматскизы

Кема ӧвӧл гуртазы выльдэм стеллаез усьтон ужрад радъяськиз. Со нунал пичильтокъёслы отчы потыны луонлык ӧз кылды.  Озьы ке но, садикысь воспитательлэн О.И. Камалитдиновалэн верамезъя, нылпиос пичиысен историез мед тодозы, соин ик соосты та выллем ужен одно ик тодматыны малпаллям.

Туннэ нуналэ Бадӟым Качак гуртысь садике дас нылпи ветлэ. Соос пӧлысь кыкез гинэ вуоно аре школае мыныны вуэмын, мон мукетъёсыз куинь-вить аресъем гинэ на. Соос стеллалэсь кулэлыксэ али уз ик валалэ, нош аръёс ортчыса, дышетӥсенызы та выллем экскурсие потамзы тодазы лыктоз.