Вордскем шаер котьмалэсь дуно

- Та дыре Боевой но трудовой славая аллеяын тупатон ужъёс йылпумъямын ӧвӧл на, - гожтэ вотэс бамаз Балтач ёрос администрациен кивалтӥсь Ильгиз Субушев. – Озьы ке но шулдыр интые шутэтскыны трос калык вуэ. Одӥгаз шундыё сӥзьыл нуналэ татчы искусствоя школаысь нылпиос суредаськыны вуизы. Шумпотоно, тыршеммылэн емышез вань шуыса. Та аллеяез тупатон сярысь малпанмы азьвылгес кылдӥз. Туэ улосчимылэн, Кизганбаш гуртын вордӥськыса будэм Фларид Файрушинлэн бадӟым юрттэт возьматэменыз, тупатон уж борды басьтӥським. Кематэк со йылпумъяськоз.

Фото: Ильгиз Субушев