Кияръёслы дунъёс будӥзы

Республикаысь статистикъёслэн лыдпусъёссыя, арня куспын кияр 19,4 процентлы дунояз. Али со шор лыдын 61 манет сылэ.

Картофка та вакытэ 6,7 процентлы дунояз.  Туннэ нуналэ со республикаямы улӥсьёслы шор лыдын 35 манет усе. Помидор 5,2 процентлы дунояз. Со сяна, дуноям сиён-юонъёс пӧлы пыризы: сыръёс, вермишель, печення, сылал, йӧл, йӧлвыл, курегпуз, макаронъёс, пызь, нянь, сугон, нӧкы вӧй, улмо, кампетъёс но сакыр. Арня куспын соос 0,1-2,8 процентлы дуногес луизы.

Нош кешырлы, кынтэм чорыгъёслы но кубисталы дунъёс усизы.