Тау кариськом, шуд но тазалык сӥзиськом

Анаймы Фания Асхадуллиновна Николаева Татышлы ёросысь Юда гуртын вордӥськем. Семьяязы сизьым нылпи будӥллям. Быдэ вуыса, Чайковскийын, Бирскын тодон-валан басьтэм. Ужаны Выль Татышлые интыяськем. Соку атаенымы Георгий Файзрахмановичен пумиськиллям. Соос 1978-тӥ арын семья кылдытӥллям. Жаляса верано, анаен атаймы дас ар но кызь нунал гинэ шудо улыны вутскизы, семьяе кайгу вуиз – атаймы бырыны шедиз. Анаймы куинь нылпиосын огназ кылиз. Али ми сое малпаськом но сюлэммы вӧсь луэ. Кыӵе секыт вал, дыр, анаймылы огназлы. Озьы ке но со куректонлы, секытлыкъёслы сётӥськытэк, азьпала вамыштӥз. Анаймы туннэ но трослы азьпала учкыса улыны тырше.
Туннэ анаймылы 65 арес тырме. Солы тыпы кадь юн тазалык, ӟыгыртыны луонтэм бадӟым шудбур, ӟеч мылкыд но трос шумпотонъёс сӥзиськом. Тау милемыз утялтэмед но визьнодамед понна. Музъемозь ик йыбырттӥськомы, тау кылмес вераськомы.
Та шулдыр, шундыё нуналэ
Ӟеч кылъёс вераськом, анаймы.
Сӥзиськом ми тыныд, мусомы,
Юн кӧльы кадь бадӟым тазалык,
Улонысь нош шуг-секытсэ
Пыд улад лёгыны кужымлык.
Нылпиосыд.