Бадӟым тау тыныд ваньмыз понна!

Ми сое пичи дырысен нэнэй шуиськом. Озьы вераны ачиз дышетӥз атаймы бигер луэмысь. Матысь адямимы Сакина Аллаяровна ФАЗЛУТДИНОВА Татышлы ёросысь Уразгильды гуртын улэ. 80 арес тырмон нуналаз дуно нэнэймылы сюлмысь тау кылъёсмес вераськом милемыз утьыса будэтэмез понна. Али но со быгатэмезъя ми понна тырше. Туннэ нуналэ солэн ньыль правнукез ни.

Нэнэймы одӥг минут но ужатэк тэк пукыны уг чида. Бакчаын, азбарын ужъёсыз лэсьтэмын ке, корка пырыса керттӥськыны яке вуриськыны пуксёз. Ял карыны яратэ телевизор учкыса яке удмурт книгаос, «Ошмес» газетэз лыдӟыса. Туж яратэ хоккей учкыны. Нэнэймы милемыз ӝикытлыклы, ужез яратыны, лякыт луыны дышетӥз. Со милям мамаенымы ӵош улэ. Соос милесьтым бертэммес кыкназы ик чидатэк возьмало. Ярато куно сектаны, оло, соин дорысьтызы куноос бырыса ик уг уло.  

Нэнэй! 80 аресад трос шуныт кылъёс вераммы, тыныд тазалык, кузь гумыр сӥземмы потэ. Тодӥськом, вань нылпиостэ огкадь яратӥськод но сюлмыныд соос понна висиськод шуыса. Ми тонэ ӟеч иворъёсынымы гинэ шумпоттыны тыршомы. Мамаен ог-огдэс валаса но ог-огдылы юрттыса улыны мед быгатоды азьпалан.

Мед ортчоз пересьмон палэнтӥ, 

Мед мынод на чырткем улонтӥ. 

Нуналэд шудбурен мед вордскоз, 

Инмаред утьыса мед возёз. 

Вань нылпиосыдлэн нимынызы Ирина но Марат внукъёсыд.