Туннэ - Россиысь тодос удыслэн нуналэз

Ма гинэ уг малпало асьмелэн тодос удысын тыршисьёс. Космос, выль информационной технологиос но мукетыз. Кыӵе гинэ гаджетъёс ӧвӧл ни туала улонамы. Вакчи дыр ӵоже кӧня вакцина малпазы ни учёнойсмы коронавирусэн нюръяськон понна но. Ваньмыз лэсьтӥське адями понна.

Малпад ке, котькин улоназ пичи ке но наукаен выремын, дыр. Котькудӥз студент тодос удысэ "вые", курсовой яке диплом уж гожтыкуз. Кинэ ке со киултэ но сьӧраз валтэ. Кин ке ужзэ гожтэ но, пыраклы люкиське тодосэн. Кинлы ке, соин выремез ке но уг поты, дырын-дырын со доры берытсконо луэ. 

Та удысын ужась тодмоосы трос. Йӧн-йӧн, рос-прос, визьмо но вань луэменыз буйгатскисьтэм. Озьы шуыны луысал тодосын ужась эшъёсме. Выль тунсыко малпанъёс, сое одно ик улонэ пыӵатон, калыклы вуттон. Праздникен!

Фото: calend.online