-2 °С
Лымы
Антитеррор
Вань иворъёс
Ӟечкыласьком!
21 январь 2022, 15:05

Сюлмысь ӟечкыланъёс гажано автормылы но визьмо-буро эшмылы!

Туннэ черодысь котырес лыдпуссэ пусъе гажано автормы, визьмолэсь но визьмо удмурт гожъясь, Ижкарын улӥсь Алтау пи Ульфат Шайхутдинович Бадретдинов.

Сюлмысь ӟечкыланъёс гажано автормылы но визьмо-буро эшмылы!
Сюлмысь ӟечкыланъёс гажано автормылы но визьмо-буро эшмылы!

Ульфат Шайхутдинович!!! Сюлмысьтымы ӟечкыласьком тӥледыз та шулдыр нуналэныды но ӵапак кын корт куртчон вакыттылэн вуэменыз. Котьку возьмаськом тӥлесьтыд выль ужъёстэс, тӥледын выль пумиськонъёсмес.

Ручка кутэм яке клавиатурае зӥбылӥсь чиньыостылэн жадемзы ноку медаз поты, чуръёсады асьтэ мылкыдды ярдуре тэрисьтэм тудву кадь мед ӧръяськоз, синъёсты сак, котьмае синйылтӥсь мед луозы на, машинады та шуытозь Татышлые но, Бурае но, Алтауэ но мед вуттоз.

Ог кылын вераса, улонды трос пӧртэм пуштросо мед луоз кема-кема аръёс. Тазалык, яратон, шумпотон, дартлык тӥледлы!

Йыр вадьсады котьку медло яркыт шунды,
Чагыр инбам, сюлэмады нош - яратон.
Трос шумпотон мед ваёзы нунокъёсты,
Мед сётозы соос кужым но юн оскон.

Гажаса, "Ошмес" газетын ужасьёс.

Автор:Анна Байдуллина
Читайте нас: