-20 °С
Салкым
Антитеррор
Вань иворъёс
Ӟечкыласьком!
13 январь , 10:00

Туннэ - Россиысь печатьлэн нуналэз

13-тӥ толшоре асьсэлэсь праздниксэс пусъё периодической изданиосын, СМИ-осын ужасьёс, одӥг кылын вераса, журналистъёс.

Туннэ - Россиысь печатьлэн нуналэз

Та нунал историен герӟаськемын. Петр I-лэн указэзъя, 1703-тӥ арын 13-тӥ январе дуннеез адӟиз  ӟуч кылын потӥсь "Ведомости" газетлэн нырысетӥ номерез. Роскомнадзорлэн лыдпусъёсызъя, 2020-тӥ арлэн январь толэзезъя, СМИ-ослэн российской реестразы 146 сюрслэсь ятыр печатной изданиос регистрировать каремын. Соос пӧлы пыриськомы ми но, Башкортостанысь удмуртъёслэн "Ошмес" газетсы. Отын ужасьёс тыршо газетсы пуштросо, республикаысь котькуд удмурт гуртъёсын улӥсьёслы валамон но тунсыко мед луоз шуыса. Праздникен милемыз но, тӥледыз но, газетэз лыдӟисьёс. Таза мед луомы ужаны, выль творческой проектъёс мед кылдозы, лыдӟисьёсмы тросгес мед луозы, уждунмы - бадӟымгес.

Туспуктэм интернетысь басьтэмын. 

Автор:Анна Байдуллина