+14 °С
Салкым
Антитеррор
Вань иворъёс
Дышетон
24 куартолэзе , 12:10

Прагаын финн-угор студентъёслэн IFUSCO XXXVII конференцизы ортче

ИФУСКО (International Finno-Ugric Students' Conference = Международная студенческая конференция финно-угроведов) – финн-угор калыкъёсын но соослэн кылынызы но культураенызы тунсыкъяськись студентъёс понна студентъёсын арлы быдэ радъяськись калыккуспо конференция. Ифусколэн площадкаяз огинэ люкасько кыстодосэн, этнографиен, фольклористикаен, историен, литератураен, дышетон, экономикаен но мукет дисциплинаосын вырись студентъёс. Финн-угор студентъёс нимысьтыз конференцие люкаськыны кутскизы 1984-тӥ арысен. Арлы быдэ со пӧртэм интыосын ортче. Ифуско - со   финно-угор дуннеез огазе карись вожвыл. Со кылдытэ нимысьтыз финн-угор огъялык (общность), кудӥзлэсь тулкымзэ сьӧразы нуо но люкыло асьсэ вордскем палъёсазы ваньзы отчы пыриськемъёс.

Прагаын финн-угор студентъёслэн IFUSCO XXXVII конференцизы ортче
Прагаын финн-угор студентъёслэн IFUSCO XXXVII конференцизы ортче

Кылем арын пандемияен сэрен сое онлайн амалэн гинэ Ригаын радъязы. Туэ студентъёсты пумитаз Прага. Толон, 23-тӥ куартолэзе, луиз форумлэн усьтонэз, йылпумъялоз со ужзэ 27-тӥ куартолэзе. Арлы быдэ финн-угор регионъёсысь студентъёс тыршо вал Ифуское кызьы ке но мыныны, туэ тодмо мугъёсын соос кунгож сьӧры потыны уг быгато. Но онлайн амалэн котькин но быгатэ доклад лыдӟыны, сое сюлмаськытӥсь юанъёс сярысь вераны, юанъёс сётъяны. Туэ туж ик трос докладчикъёс ӧвӧл. Прагаысь конференциын асьсэ тодос ужъёсынызы тодматозы кунгож сьӧрын улӥсь, дышетскись ньыль-вить удмурт студентъёс. 

Автор:Анна Байдуллина
Читайте нас в