Удмуртиын сюрслэсь трос адями диктантэз нимысьтыз радъям 100-лэсь трос интыосын гожтӥз. Со сяна, удмурт кылын гожъяськыны быгатэмзэс Башкортостанын, Татарстанын, Марий Элын, Пермь шаерын, Москваын улӥсь удмуртъёс но эскеризы.
Кушнаренко ёросысь Канлы гуртын улӥсьёс но диктан гожтыны мылкыд каризы. Акцие бадӟымъёс но школаын дышетскисьёс пыриськизы. Диктантлэсь текстсэ удмурт кылъя дышетӥсь Тамара Галяутдиновна Сайфутдинова лыдӟиз.
Акцилы йылпумъян 30-тӥ оштолэзёзь лэсьтозы. Диктант гожтӥсьёслэсь ужъёссэс УдГУ-ысь удмурт филологияя, финно-угроведениея но журналистикая институтысь филологъёс эскерозы.
Фото: https://vk.com/id179241736?z=photo179241736_457239379%2Fwall179241736_369