Соос пиналъёслы Анай кыллэн нуналэзлэн кылдэмез, ышем но ышись кылъёс, анай кылэз утён но азинтон сярысь веразы. Собере пиналъёс путешествие «потӥзы». Сюрес вылын соосты «Русский язык», «Удмуртский язык», «Башкирский язык» но «Английский язык» станциос витизы. Отын пиналъёсты дышетӥсьёссы калык дӥськутъёсын пумитазы, пӧртэм заданиос ӵектӥзы. Шонер валэктонъёссы понна нылъёслы но пиослы дышетӥсьёс суредлэсь люкетъёссэ сётӥзы.
Берпуметӥез станция библиотека луиз. Отын ужрадлы йылпумъян лэсьтӥзы: пиналъёс, пазл люкетъёсты огазеяса, визькылэз лыдӟизы.
Ужрадэ «21 февраля – Международный день родного языка» но «Удмуртские писатели – детям» книгаосын адӟытонъёс дасямын вал. Со сяна, библиотекарь нылпиослы вордскем кыл сярысь буклетъёс сётъяз.