-18 °С
Салкым
Антитеррор
Вань иворъёс
Дышетон
13 январь , 14:30

Туннэ Уфаын анай кылъёсъя республика олимпиада кутскиз

Со кык нунал кыстӥськоз. Отчы Калтасы, Татышлы но Янаул ёросъёсысь 12 удмурт пиналъёс пырисько.

Туннэ Уфаын анай кылъёсъя республика олимпиада кутскиз

Тодады вайытӥськом, 2021-тӥ арын анай кылъёсъя республика олимпиада дистанционной амалэн ортчиз. Со кыстӥськиз куинь нунал - 27-29-тӥ толшоре. Олимпиадае 18 удмурт пиналъёс пыриськизы: Бурай, Ермекей, Калтасы, Татышлы но Янаул ёросъёсысь (быдэн тямыс кузя – 8-тӥ но 9-тӥ классъёсын дышетскисьёс, быдэн одӥг дышетскись - 10-тӥ но 11-тӥ классъёсысь).

Кылем арын вормисьёс луизы: Екатерина Хатипова (Татышлы ёросысь Уразгильды школа, 8-тӥ класс), Владимир Рахимзянов (Татышлы ёросысь Улысь Балтач школа), Рената Нуриахметова (Татышлы ёросысь Кальтяево школа), Вилиана Сергеева (Татышлы ёросысь Улысь Балтач школа).

Нош туэ кинъёс ӟеч тодон-валанзэс возьматозы? Соиз ӵукае,14-тӥ толшоре, тодмо луоз.

Фото: открытый источник.

Автор:Миляуша Булатова