WorldSkills Russia: Башкириын VII усьтэм региональной чемпионат йылпумъяськиз

WorldSkills Russia чемпионат Башкортостанын 7-13-тӥ толсуре ортчиз. Отчы 1000-лэсь трос егитъёс пыриськизы. Соос понна площадкаос ужазы Уфа, Белебей, Бирск, Благовещенск, Нефтекамск, Салават, Стерлитамак, Сибай, Туймазы, Учалы, Мелеуз, Кумертау городъёсын но Кушнаренко, Дуван ёросъёсын. Ӵошатсконъёс 106 пӧртэм компетенциосын радъяськизы.

Виктория Гильмиярова «Лечебная деятельность» ӧръя тодон-валанзэ, быгатонлыкъёссэ возьматӥз. 13-тӥ толсуре «Молодые профессионалы» чемпионатын вормисьёсты шараязы: 480 адями вормисьёс но призёръёс луизы. Виктория но вормисьёс пӧлын. Чемпионат сярысь Виктория ма вера, кыӵе солэн малпанъёсыз? Лыдоды газетмылэн вуоно номерысьтыз.