Татышлы ёросын дышетӥсьёслэн кенешонзы ортчиз

Туннэ, 20-тӥ августэ, Вылысь Татышлыысь культурая дворецын дышетӥсьёслэн август совещанизы ортчиз. Ужрадэ РФ-ысь Федерал Собранилэн Кун Думаысьтыз депутат Рафаэль Марданшин, Башкортостанысь дышетонъя но наукая министр Айбулат Хажин, Татышлы ёрос администрациен кивалтӥсь Фанур Шайхисламов, ёросысь дышетонъя ёзэтэн кивалтӥсь Адегам Фарвазетдинов но мукетъёс пыриськизы.

Улысь Балтачысь дышетӥсьёс Г. Рахимзянова, Р. Губаев, З. Шарафутдинова.

Соос дышетонэз азинтонлы, нылпиосты визьноданлы но дышетон удысын пумиськись мукет ужпумъёслы сӥзем докладъёс лыдӟизы.

Дышетӥсьёслэн кенешонзы ӟечкылан люкетэн йылпумъяськиз. Дышетон удысын тыршисьёс пӧртэм наградаослы кузё луизы.

Уразгильдыысь Игорь Бадрисламов та нуналэ сцена вылэ кык пол тубиз: Айбулат Вакилович Вылысь Татышлыысь кыкетӥ номеро школаысь информатикая дышетӥсез «Отличник образования Республики Башкортостан» знакен но ЕГЭ радъян пунктэз дасямез понна БР-ысь Дышетонъя но наукая министерстволэн Тау карон гожтэтэныз пусйиз.

Улысь Балтач школаысь ОБЖ урокъёсты нуись дышетӥсез Радмир Губаевез дышетонъя министр Россиысь МЧС-лэн кылдэмез дырысен 30 ар тырмонлы сӥзем республика конкурсэ пыриськемез понна «Лучший преподаватель-организатор ОБЖ (БЖД)» димпломен пусйиз.

Автор:Миляуша Булатова

Читайте нас:

Об использовании персональных данных

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91