Буре ваён но куректон нуналэ пограничникъёслы сӥзем памятникез усьтозы

Та нуналэ 1941-тӥ арын Быдӟым Атыкай ож кутскиз. Кӧня вирзэс кисьтӥзы асьмелэн ӵужатайёсмы-песятайёсмы, кӧня городъёсмы куашкатэмын, гуртъёсмы быдтэмын вал.

Та нунал историе кылиз ож кутскон нунал луыса. Фашистской Германия Совето Союз вылэ  ож кутскемез ялытэк вазь ӵукна омырскиз. Немецъёслэн авиацизы но артиллеризы нырысь ик городъёсты, чугун сюресъёсты, аэродромъёсты, военно-морской базаосты быдтыны турттӥзы. СССР-ын улӥсьёслы улон война азьын но война берелы люкиськиз. Быдӟым Атыкай ож семьяосты люкиз, малпанъёсты куашкатӥз, адямиослэсь тупаса улонзэс быдтӥз. 21-тӥ инвожое тросаз школаосын  но мукет дышетскон юртъёсын выпускной ӝытъёс ортчылӥзы. Толло школьникъёс но студентъёс праздник бӧрсьы ик фронтэ кошкылӥзы.

Ӵуказе, Буре ваён но куректон нуналэ, Вылысь Татышлыын нош одӥгез выль синпелет усьтӥськоз. Сӥземын со кунгож утисьёслы.