Башстат: коньывуон толэзе ма дуногес луиз, ма дунтэмаз

"Башинформ" пыкъяське Башстатлэн лыдпусъёсыз вылэ. Ортчем толэзьын тужгес дунояз помидор - 47,5 процентлы но 105 манетлы дуногес (куарусён толэзен ӵошатыса). 19,1 процентлы дуногес луиз курегпуз — лассэ 68 манетэн басьтыны луоз. 5,1 но 13,8 проценлы дунзы будӥз бананлэн но апельсинлэн — шорлыдын 88 но 111 манет килоез понна.

Октябрь толэзе дуногес луэм сиёнъёс пӧлы пыризы: кунян сӥль, ыж сӥль, курег, сосискаос, сарделькиос, полукопчёной но пӧзьтэм-копчёной колбаса, чорыг, пастеризованной йол, сгущёнка, бакча сиёнъёс, соос ик мариновать каремъёсыз, нылпиослы овощной консерваос, томатэк консерваос, печенье, пряник, кофе, сылал, манка, вермишель, груша но виноград. Толэзь ӵоже соослэн дунзы 0,2 — 11,7 процентлы йылӥз.

Дунтэмаз лимон — сентябрь толэзен ӵошатаса 89,5 процентлы. Башкириын лимонлэн шорлыд дуныз килоез понна 121 манетэ вуиз.

9,7 процентлы ичиёмиз дуныз улмолэн - шорлыдын 79 манет килоез понна. Озьыгес ик дунтэмаз сьӧдчабей. Октябрь толэзе сое басьтыны луэ вал 87 манетэн.