Шуркынмон толэзьлы калык чакланъёс

Шуркынмон - сӥзьылэз келясь, толэз вуттӥсь толэзь. Писпуосысь куаръёс усьылэмын, омырын мускыт но пыкмем зын. Дырын-дырын кынтылэ, я зоре, я лымыя, пыд улын - дэриен суро лымы. Ваньмыз толлы дасяське. Инбам пилемлэсь уг буша ни, шунды но шергес но шергес ымнырзэ возьматъя. Калыклэн та толэзь сярысь трос чакланъёсыз люкамын. Ойдолэ соосын тодматском.

Кыӵе куазь луоз шуркынмонэ, сыӵе ик апрелез вить.
Куазь сазь но кӧс улэ ке, кынтоз.

Куазь кема но зол кынтыса возькиз ке, тол кезьыт луоз.

Шуркынмонлэн кутсконаз ик лымы усиз ке, тулыс вазь вуоз.

Трос лымы усиз - ю-нянь удалтоз.

Шуркынмонэ кӧс но сэзь куазь вуоно арын ю-нянез уз удалтыты.

Шуркынмонэ ӵукна зороз, ӝытпал лымы букосъёс люкаськозы.

Шуркынмон толэзе но писпуос куаръёссэс куштыны уг дырто ке, тол кема кыстӥськоз.

Чибиньёс лобало на ке, тол небыт ортчоз.

Кырӵӧжъёс толлы кылизы ке, тол шуныт луоз.

Автор:Анна Байдуллина

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91