+1 °С
Лымы
Антитеррор
Вань иворъёс
Общие статьи
26 куартолэзе 2022, 18:05

Дунне вылысь адямиос пӧлысь одӥг-кык процентэз гинэ гордайёс луо

Кин ке куректэ, дыр, со гордай шуыса. Кин ке вожъяське инкуазен но анай-атаен сётэм сыӵе йырси нуллӥсьёслы. Тросэз нылъёс йырсизэс гордлэн пӧртэм оттенокъёсызлы буяло. Гордай луэмзы тросэзлэн уг поты, малы ке шуоно горд йырсиен ӵош ымныре сӥтьпужыос но лякисько. Собере, асьсэды гордай шуыса исатэмзы но уг пот, вылды. Малы ке сьӧд но суд йырсиё муртъёсты уг исало. Нош гордайёсты эшшо кызьы. Дунне вылысь адямиос пӧлысь одӥг-кык процентэз гинэ гордайёс, пе. Удмуртъёс пӧлын соос ӧжыт шуыны уг луы.

Дунне вылысь адямиос пӧлысь одӥг-кык процентэз гинэ гордайёс луо
Дунне вылысь адямиос пӧлысь одӥг-кык процентэз гинэ гордайёс луо

Горд йырсиё муртъёслэн кузы но ненег, шундылэсь кышкась луэ. Гужем куазен сое туж чакласа возёно, отчы ик ӝуалоз. Нош туннэ соослэн дунневыл нуналзы. Нокин но медаз кепыра вал гордай луэмезлэсь. Адӟем кароно Татышлы ёросысь Бальзюга гуртысь Манаповъёслэн семьязылэсь. Возьдаськыса уг уло соос, пӧртэм конкурсъёсы но пырисько. Гордайёс, тӥ туж чебересь, мусоесь но нокинэн ӵошатонтэмесь. Праздникеныды!

Туспуктэм Мария Манаповалэн вконтакте вотэс бамысьтыз басьтэмын.

Автор:Анна Байдуллина
Читайте нас: