Башкириысь семья курортной "пленысь" толэзь ортчыса гинэ мозмыны быгатӥз

«Ми отчы 24-тӥ феврале лобӟим, российской компаниосын авиасообщениосты дугдытэмысь бертыны ӧм быгатэ ни. Мукет авиалиниосысь но билет басьтыны турттӥм, соосыз но дугдытъязы. 10-тӥ мартысен банковской картамес но ворсазы», — тодаз вае Регина.
Соцсетьёс пыр Регина кунгож сьӧрын шуге-леке сюрем улосчиосызлы юрттыны тырше БР-ысь Правительство шуыса тодӥз. Башкирилэн Тӧроезлэн Радий Хабировлэн постэз улэ гожтыса, солэн гожтэмез Башкортостанысь ЦУР-лэн системаяз вуиз. Отын ужасьёс республикаысь Ситуационный центрен герӟаськыса, семьялы юрттэт возьматыны кутскизы.

«Соослы луыса ми Россие берытским. Юрттэт сыӵе ӝог вуоз шуыса ум но оскиське вал. Ми, милям 7 толэзьем пимы, ӵыжы-выжыосмы - ваньмы тау кариськом, кин милемлы юрттӥськиз» — вера Регина Байрашева.
11-тӥ южтолэзьысен Радий Хабиров БР-ысь Ситуационной центрлэсь полномочиоссэ паськытатӥз — табере республикаын улӥсьёс операторъёсын коронавирусэн герӟаськем юанъёсын гинэ уг быгато вазиськыны, луоз ивортыны тудӟем ву, тылпу но мукет ЧП-ос сярысь.

Туспуктэм: "Башинформ".