-3 °С
Салкым
Антитеррор
Вань иворъёс
Общие статьи
5 южтолэзь 2022, 11:20

Башкириын вылӥ тодон-валанэн кышномуртъёс пиосмуртъёслэсь тросгес

Нылкышнооослэн калыккуспо праздниксы азьын республикаысь статистикъёс тунсыко эскерон ортчытӥллям.

Башкириын вылӥ тодон-валанэн кышномуртъёс пиосмуртъёслэсь тросгес
Башкириын вылӥ тодон-валанэн кышномуртъёс пиосмуртъёслэсь тросгес

Башстатлэн лыдпусъёсызъя, 2021 ар кутсконозь республикаын 2,1 млн кышномуртъёс улӥллям. Со регионысь вань улӥсьёслэн 53,1%-эз луэ.

1000 кышномуртлы шорлыдын 883 пиосмурт луэ вылэм. Пӧртэм арлыдъёсын та соотношение пӧртэмгес. Башкириын али, нылъёсын ӵошатыса, тросгес пиос вордӥсько - 100 нылъёслы ог 105-106 пиос.

Нылъёслэн но пиослэн лыдзы тупаны кутске 20 аресъёсысен. Ужась мӧйы калык пӧлын кышномуртъёслэн лыдзы тросгес.

61 ареслэсь мӧйы пиосмуртъёс, 56 аресъем кышномуртъёс пӧлын 1000 кышномуртлы 437 пиосмурт луэ.

«Башкириын улӥсьёс пӧлын ужась калыклэн ӝыныезлэсь тросэз кышномуртъёс луо. Экономика удысын 47% кышномуртъёс ужало», — шуо статистикъёс.

Ужась кышномуртлэн шорлыд арлыдыз 41 арес.

Кышномуртъёс тыршо тазалыкез утён удысын но социальной услуга сётонын (та сфераысь 84,3%-эз), дышетон удысын (84,1%), оптовой но розничной вузаськонын, гостиничногй бизнесын, калыкез сюдон интыосын (67%).

«Экономика удысын ужась кышномуртъёс пиосмуртъёслэсь тросгес тодон-валанэн луо. Ужась кышномуртъёс пӧлысь вылӥ тодон валанзы 37,7%-эзлэн (пиосмуртъёслэн — 24,0%)», — шуэ Башстат.

 

Автор:Анна Байдуллина
Читайте нас: