Машина басьто шуыса, пиосмурт коньдонтэк кылем

Полициын ужасьёслэн ивортэмзыя, арлыдо пиосмурт машина вузамзы сярысь ялонэз интернетысь адӟем. Менеджерлы жингыртыса со тодэм: Toyota Land Cruiser машинаез кунгож сьӧрысь пырто шуыса, соин дуныз но 1,4 млн манет гинэ. Менеджер солы верам, машинаез Россие пыртон понна 448 сюрс манет тыр пошлина тыроно шуыса. Пиосмурт коньдонзэ выжтэм.

Кыкетӥ нуналаз солы жингыртыса вераллям, машина понна кылемзэ дунзэ наличкаен тыроно шуыса. Пиосмуртлэн уксёез вылымтэ. Соин со пошлина понна сётэм коньдонзэ берен курем. Уксёзэ берыктӥллямтэ. Соку пиосмурт валам, мошенникъёслэн ки улазы шедемзэ.

Та югдуръя уголовной уж усьтэмын.