Колледжын дышетскись мошенникъёслы коньдонзэ выжтӥз

Соос арлыдоосты но, егитъёсты но уг жаляло. МВД-лэн Башкортостан Республикая управленияз ивортэмзыя, аферистъёслэн ки улазы шедиз Бирскысь одӥгаз колледжын дышетскись нылаш. Мошенникъёс солэсь 477 сюрс манет коньдонзэ «кыскизы».

Полициын ужасьёслэн кылъёссыя, мошенникъёс нылашен оштолэзь пумын телефон пыр герӟаськиллям. Тодмотэм пияш солы ивортэм, курьер посылка ваёз шуыса. Со понна нылашлэсь паспорт даннойёссэ курем. 18 аресъем ныл паспортэзлэсь серизэ но номерзэ верам, собере – телефоназ вуэм СМС-кодзэ.

Собере нылаш уведомление басьтэм, «Госуслуги» порталысь аккаунтаз пыризы, соин «пӧсь линие» жингыртоно шуыса. Нылаш ӵектэм телефонъя жингыртэм. Трубкаез пиосмурт басьтэм, со верам, «Госуслугиысь» ӧнерчи луисько шуыса. «Мошенникъёс тӥляд анай-атайдылэн нимынызы кредит басьтыны туртто. Соин тӥ соослы юрттыны быгатӥськоды, со понна мобильной приложение пыр займ басьтоно», - шуэм нылашлы «ФСБ-ын ужась».

Колледжын дышетскись 477 сюрс манет тыр кредит басьтыса, тодмотэм счётэ выжтэм. Собере гинэ со дорысьёсызлы жингыртэм. Атаез валам, нылзэ мошенникъёс пӧяллям шуыса. Колледжын дышетскись полицие вазиськем.